Now Playing                 Marketing                Support Centre
The Music You Love    +383(38) 240 888    valarinore@yahoo.com       
 Listen on your:  android 2017 Android  iphone  iOS  

Dikush i ka vjedhur mbi 10 miliardë euro të Gaddafit

Monday, 12 March 2018 10:14

WireAP 5b73627220934b57a0b0d2c609571a4b 16x9 992

Mbi 10 miliardë euro "janë zhdukur" nga xhirollogaria e ngrirë e diktatorit të vrarë libian Moamer El-Gaddafi.

Në këtë xhirollogari në vitin 2013, ka qenë 16 miliardë euro, ndërsa tash, pasi llogaria është e aksesueshme, aty shihet se kanë mbetur vetëm pesë miliardë euro.

 

Bëhet fjalë për llogaritë në bankën Euroclear që i përkasin dy kompanive libiane të regjistruar në Libi, Bahrejn dhe Luksemburg.

 

Zhdukja e parave është vërejtur në vjeshtën e vitit 2017, kur një nga hetuesit e rrjetit të Gaddafit, nëpërmjet të cilit bëhej shpëlarja e parave, Michel Claise, kërkoi të merrte llogarinë e ngrirë. Paratë ishin ngrirë në vitin 2011, por Belgjika asnjëherë nuk kishte autorizuar "ngrirjen” e parave.

 

Mediat belge shkruajnë se ka shumë indikacione se Belgjika refuzoi të zbatojë rregullat e OKB-së për trajtimin e parave në llogari të ngrirë. Para largimit të Gaddafit nga pushteti, Libia ishte një eksportues i fuqishëm nafte.

 

Mënyra më e mirë për të kontrolluar "rrjedhën e parasë", regjimi libian në vitin 2006 krijoi kompanitë përmes të cilave paratë e fituara nga nafta investoheshin në kompanitë jashtë vendit.

 

Intervenimi i NATO-s në vitin 2011 dhe sanksionet e OKB-së nënkuptonin, de facto, marrjen e mjeteve nga këto llogari në të gjithë Evropën dhe Amerikën e Veriut. Qeveritë nacionale në BE kanë ngrirë vetëm shumën origjinale, ndërsa kamatat dhe dividendët e krijuara pas 2011 ishin të lira.

 

Revista Politico muajin e kaluar zbuloi se nga llogaria në Belgjikë, ku ndodheshin 16 miliardë euro, "është regjistruar një aktivitet i çuditshëm që tregon për parregullsi dhe marrje/rivendosje të interesit në llogaritë e Gaddafit".

 

Tregohet se një herë në muaj është kryer pagesa nga llogaritë në Belgjikë në llogaritë në Bahrejn, në llogari të bankës, e cila lidhet me qeverinë aktuale të Libisë. Belgët pohojnë se pagesat ishin kryer sipas ligjit, por askush nuk e di se ku kanë humbur saktësisht 10 miliardë euro.

 

Banka vazhdon të refuzojë plotësisht qasjen ndaj llogarive, për shkak të të cilës prokurorët dhe hetuesit janë duke e kërcënuar me masa drastike.

 

 

Leave a comment